* nanggigigil mag BLOG *

Pakiramdam ko kapag hindi ko ito naisulat... makakakain ako ng tao.. buong buo. Walang kutsara at tinidor. Kung bakit kailangan kahapon ilabas ang hilakbot na survey form na yun... sila lang ang nakakaalam. Sumakto talaga kung kelan sinabon ko ang lahat ng reps ko dahil sa lumalalang absenteeism report. Syempre dahil Drama Queen ako ay tinipon ko ang kapwa ko mga TLs at sabay sabay kaming nagalit sa mundo habang pinag uusapan ang kontrobersyal na Team Leader Survey form na yan. Not that we suck.. pero ang tanong ko lang... bakit walang survey forms kung saan kami naman ang magbibigay ng opinyon sa mga pasaway naming reps??

Malakas ang pakiramdam naming lahat na babalahurain kami ng mga gunggong na yun. Sympre ito na ang tamang panahon para makaganti sa mga panahon kung saan nasigawan, binara, tinanggihan ng sup calls at hinarass namin silang lahat para mag report sila sa office sa mga pagkakataong tinatamad silang pumasok dahil may date.. naglasing.. napuyat at talagang tinamad lang silang gawin ang trabaho nila.

Unang tanong : Does your TL speaks English all the time?? May pakiramdam ako na 99% ng mga tsonggo na ito ang nag check ng NO box. Ok lang. Totoo naman.. hindi sa lahat ng pagkakataon ay nagsasalita kami ng Ingles. Eh baket naman? Kung unang una ay hindi kayo magkakaintindihan ng rep mo sa kadahilanan na sa tuwing bubuo siya ng english sentence ay daig mo pa ang sumasagot ng sangkatutak na algebra problems dahil hindi mo maintindihan kung ano ang tinutumbok nya. People let's be honest.. there are times when you have to step down on their levels to understand them. Kung magsasalita ako ng English with matching phase and intonation tapos bobo ang kausap mo.. aba aba aba! Sayang ang effort.

Pangalawang tanong: Does your TL takes your sup call all the time? Isa pa to. May mga pagkakataon na talaga namang nakakapag painit ng ulo ng isang TL ang pagtanggap ng sup call mula sa mga reps na hindi ginagawa ng tama ang mga trabaho nila. Eh pakshet.. sa tuwing tatanggap kami ng sup calls.. kundi kami sisigawan ng mga callers dahil sa tanga ang kausap nila ay tatanumgin naman kami kung paano namin tine train ang mga reps namin. Para sa isang TL na gumagawa ng attendance report, performance log at kung ano ano pang deliverables na halos sa office na kami matulog para lang mapasa sa deadline.. nakakairita talaga ang matanong ka ng isang poncio pilato kung paano mo hinahawakan ang mga tao mo. Ok.. trabaho namin ang tumanggap ng sup calls.. pero trabaho rin nila ang magperform. Tanginang yan.

Madalas naririnig ko sa mga reps ang reklamong ganito : "Ano ba yan, TL! Andaming calls!! Bakit andaming calls??" Aba potah ka.. saan ka nagtatrabaho?? CALL CENTER. Ano ang gusto mong gawin maliban sa tumanggap ng calls?? O di kaya naman ay... "Ano ba yan.. bagsak na naman ako sa QA. Bakit ba palagi na lang akong bagsak sa QA?? " Gusto kong isagot ng madalas.. "Eh baka kasi kulang ka sa Iodized salt, ina ka." pero sympre hindi pede ang ganun kaya kailangan mong ire-phrase ang sagot mo ng "You just have to try better the next time.." o kaya.. " I think your greatest challenge as a rep is to be... "

Hindi madali ang maging isang TL. O sa tingin ko.. kahit anong trabaho hindi madali.. kahit simpleng barkjer ka lang ng jeep. Potah. Mahirap din yun. Pero ang nakakainis lang sa trabaho namin ay sa tuwing magkakamali ka ay nakikita ng mga tao sa paligid mo ma pwede rin nilang gawin yun.. kahit alam nilang mali. Bilang isang TL kailangan mong magpaliwanag ang lahat ng ginagawa mo kahit sa mga sandaling ikaw lang ang makakaintindi kung bakit mo ginagawa ang isang bagay.

Akala ng iba..walang kwentang magtrabaho sa call center. Wala ka raw kasing ginagawa kundi mag take ng calls. O kaya ay magyosi at magkape. Hindi ganun yun. Mahirap magtrabaho sa mga oras na tulog lahat ng tao. Mga kaibigan mo.. boyfriend at pamilya mo.. lahat yan kailangan mong bigyan ng pansin sa mga pagkakataong hindi mo sila mabigyan ng oras dahil ang shift mo ay parang nagbabantay lang ng sementeryo. Lahat yan kailangan mong isakripisyo. Lovelife.. family life.. hobby... studies.. at kung ano ano pang mga bagay na kumukumpleto sa yo bilang isang tao.

Mahirap ang magtrabaho sa call center. Eh kung TL ka pa?? Tangina.. mas mahirap.

Haaay.. labo talaga.