* kasal, rush hour 3, mga holdapers.. at kung ano ano pa *

Wag mo na akong tanungin kung ano ang nangyari nung sabado.

OO. Natuloy ang kasal. At hindi nagbago ang motif...orange and red pa rin. Sa gitna ng bumabagyo at malamig na panahon ay nagbiyahe kami para marating ang simbahan. Akala ko ay makakatanggap ako ng text message mula kay Drama King na hindi tuloy ang kasal ng kuya nya.. pero naisip ko ngayon ngayon lang na kung hindi sya matutuloy ay malulungkot ako. Ikaw na ang maglibot sa buong mall para maghanap ng kulay red na dress at sapatos. Masasayang lang ang lahat ng hirap ko kung nagkaton. Nakabili naman ako ng mga nasabing bagay at hindi naman ako pinalabas sa simbahan ng makita ng pari na naka dress ako.. kaya.. salamat sa Diyos.

Beso dito.. halik duon. Ganito ang bawat tagpo sa tuwing may reunion. Wala naman akong complain dun.. sa totoo nga.. masaya pa ko dahil may pagkakataon na mahalikan ang mga gwapong kamag anak ng boyfriend ko.. hahahahhaha.. kasama na ang mga celebrities nyang kamag anak. Hmmmm.. hindi ko na babanggitin kung sino sino at baka may makabasa.. na kamag anak ni Drama King at masabihan akong jologs. Hahahahhahaha.

-
Naidaos din ang kasal.

Kinabukasan, nanuod kami ni Drama King ng Rush Hour 3. HIndi ako naniniwala na naghihirap ang Pilipinas.. sa totoo lang. Bumulaga sa amin ang mahabang pila sa sinehan. Sabihin na natin na pwedeng mga inday yun na nag day off...kung mahirap tayo.. bakit may pambayad tayo sa mga housemaids? O di kaya.. bakit marami ang may pera na pambayad sa sinehan?? Well.. naisip ko habang bumibili ng tiket si DK sa sinehan.. baka naman karamihan sa mga ito ay mga snatchers o kaya holdapers.. kaya tsinek ko ang aking bag. Sa awa ng Diyos.. nandun pa naman ang aking wallet.

Kwela pa rin naman si Jackie Chan at si Chris Rock. Marami pa rin ang natatawa sa kanila..kahit na masakit sa tenga ang boses ni Chris Rock at nadi distract ako sa malalaki at mapuputi nyang mga mata. Pero ang nakakatawa ay yung super humongous kung fu guy na talaga namang sobrang mega huge nya na para bang mas matangkad pa siya kay Hagrid. Ang laaaaakiiiii nya, grabe. At ang paa nya??? Juskulord.. kaawaan mo po ang mga ipis.

-

haaaaay... magka away na naman kami ni DK. Hindi ko alam kung bakit pero meron lang talaga siyang mga ugali na nakakainis. Siguro ako din ganun.. pero mainit ang ulo ko ngayon kaya hindi ko muna sya kakausapin. May mga bagay syang sinabi na nakapagpa init ng ulo ko.

At higit sa lahat... stressed na naman ako. Eh bakit hindi?? May pasok mamaya kahit holiday!!! Haaaaaaayyyyyy... ang buhay.. pakshet..parang life.