HUWAG KANG LILINGON.

"Late last night and the night before,Tommyknockers, Tommyknockers, knocking at the door.I want to go out, don't know if I can,'Cause I'm so afraid of the Tommyknocker man."

* Hindi halloween ngayon, trip ko lang. Mahilig kasi ako sa mga nakakatakot na palabas at kwento... hindi ko alam kung bakit.. pero yan talaga ang parang bedtime stories ko. TRIVIA: Alam mo ba kung ano ang mga TOMMY KNOCKERS?, malamang hindi mo alam kung hindi ka laki sa ibang bansa o kaya hindi ka nagbabasa ng mga nobela ni Stephen King o kaya hindi ka interesado sa mga bagay na nakakatakot o kaya hindi ka lang talaga mahilig magbasa.. FYI, hindi yan si Tommy HIlfiger. Ang mga TOMMYKNOCKERS ay yung mga taong natabunan sa pagmimina.. alam mo na.. malamang sa MINAHAN di ba? Sila yung mga ligaw na kaluluwa na kumakatok raw sa pintuan sa hatinggabi dahil akala nila bahay nila ang bahay mo. Sympre para mas creepy.. dapat may dala silang lampara. Naisip ko lang.. kung subukan kaya nilang kumatok sa mga pintuan ng mga bahay sa tabi ng riles ng tren.. o kaya sa bahay na HAUNTED HOUSE din.. ano kaya ang mangyayari? Riot ito.

*Pero eto.. seryoso ulit. Dahil hindi ako makatulog marami akong clips na nahanap sa net na kayo na lang ang humusga kung totoo. Pwede rin kasing fake sila pero kung iisipin mo na totoo.. ay talaga namang kahit pilay ka ay mapapatakbo ka sa takot.

*Unang Clip. Feeling ko babae ang kumuha nito. ano sa tingin nyo? Kung ako siguro ang nagvi video nito ay nagtatakbo na ko at nabitiwan ko na ang cellphone ko. Parang hindi naman kasi tao talaga yung nasa bintana.



*Pangalawang clip. Eto naman.. the FAMOUS BARTON MANSION ghost encounter,nakakatakot pero nakakatawa. Sabi nung administrator ng site.. hindi raw nila masyadong pinansin to nung unang sinabmit sa kanila yung clip kasi raw pwedeng tao lang yun na lumabas sa pinto pero nung pinag aralan nilang mabuti yung clip.. at ni-run ng frame by frame.. na realize nila na yung taong lumabas sa pinto ay may taas na halos umaabot sa 8 pulgada at may hawak na lampara. Nakasuot pa ito ng sumbrero na parang kay Uncle Sam lang. Pwedeng fake to.. pero nakakatakot.. at nakakatawa. Natawa ako dun sa tili nung lalaki.. talagang humabol pa nung malapit ng mag fade yung video. At dahil dito gumawa ng site ang magkapatid na mokong na to tungkol sa mga multo. Maraming nagsasabi na fake to pero kung sa kin mangyayari to.. siguro hinimatay na ko bago ako nakatakbo.



*Pangatlong clip. Eto rin nakakatawa. Nakakatakot kung totoo pero nakakatawa kasi gulat na gulat yung onaks na kumukuha ng Video. Sa isang haunted house ito kinuha.



*Clip #4. Kinilabutan ako dito. Hindi na mention dun sa site na habang may boses na nagtataboy dun sa lalaki na kumukuha ng video ay meron ring parang mukha na nakasungaw dun sa may hagdanan. Ewan ko ba.. pero parang yun ang napansin ko. Kayo na lang ang humusga.



-oo nga naman.. mas ok na ghost na lang yung nananakot sa kanya kesa sa totoong tao. Sino ba naman ang gustong matusta ng buhay.. eh naghahanap ka lang naman ng ghosts.

*Clip #5. Eto sa malamang fake to. Pero sa uulitin.. kung totoo nga to. Nakakatakot siya. Para lang akong sirang plaka no? Alam ko may english subtitle to kung sa google nyo hahanapin yung video. Popular daw to ngayon.. isang grup to ng mga magkakaibigan na naliligaw na sa isang lugar tapos may nakita silang babae na naki angkas sa kanila.. tapos nung tinanong nila kung saan pupunta.. tinuro nung babae yung isang spot.. sabi nya.. DYAN AKO BABABA.. DYAN AKO NAAKSIDENTE... DYAN AKO NAMATAY. Tapos naaksidente silang lahat. Pero nung unang panuod ko nito.. akala ko tinuro nung babae kung saan ang stop nya dahil natatae na sya.. napautot siya tapos nagulat yung mga kasama nya.. kaya nagka aksidente. HAHHAHAH.. corny no? Medyo mahaba to.



Clip #6. Dito ako kinilabutan ng malupit. Kakatakot.



---Marami pa akong gustong i post. Pero inaantok na ko. Sabi ko nga.. lazy mode ako ngayon. Pero sa susunod magpo post ako ng mga series of EVPs. Kung gusto nyo pang matakot.. pwede kayong tumambay sa www.ghostsandstories.com Maraming nakakatakot at nakakatawang mga pangyayari dun. Enjoy!! Huwag ka lang lilingon habang nanunuod.. baka kanina pa sya nakatingin sa yo at pinagmamasdan ka.

.tama na ang iyak.

Ang lahat ng lumipas hindi mo na maaring balikan. For every action.. there is an equal reaction. What goes around, comes around. Pakshet. Walang sense nung binasa ko. Hahahahha. Kasi naman, tumigil ka na ng kakaiyak. Wala ng part 2. Tapos na. Tanggapin mo na. Hindi ka na nya mahal. Niloko ka lang nun. Ganun talaga ang buhay.. minsan kailangan mong maloko para matuto ka. Lahat ng bagay na tama ay nagsisimula sa mali. kahit kelan hindi mo mapipilit ang isang tao na mahalin ka pero maari mong pilitin ang iyong sarili na wag na syang mahalin. :)

Yan lang ang advise na mabibigay ko sa yo. Sana mabasa mo to. Tumigil ka na kasi. Wala na talaga yun.

.promises.

Kung nangako ka sa isang tao.. kailangan ba dapat mong tuparin? Sa kahit anong sitwasyon.. kailangan ba panindigan mo ang lahat ng sinabi mo? Wala lang naman. Napaisip lang ako. May katangahan kasi akong ginawa. Paano kung sa hindi inaasahang pagkakataon ay nagkawalaan na kayo? Kailangan bang tumupad ka pa rin sa usapan?

May nagsabi sa kin na kapag tapos na ang isang relasyon.. ang lahat ng mga pangako na ginawa nyong dalawa ay NULL and VOID na. Kasi tapos na. Wala nang dapat isipin pa. Move on with your life. Let go. Eto naman... paano kung wala naman kayo sa relasyon? Parehas lang ba yun? Paano kung nangako ka na kahit anong mangyari ay panunuorin nyo ang isang palabas katulad ng TRANSFORMERS? Eh ang siste, hindi na kayo nag uusap. Paano mo sasabihin bigla bigla na pinaninindigan mo ang pangako mo? "Hi, hello. Nood tayo ng sine? Busy ba U? Dito na ME eh.. " hahahhaha. Ampanget. Kung ipapaalala mo naman yung promise mo parang sasama ka lang sa kanya dahil napangako mo na. Ampanget din. Ayoko naman maging masama. I have no right to make other people feel like you are obliged to be with them. Walang taong dapat gumawa ng ganun. Ayoko rin naman na mangyari yun sa kin.

Sabi pa nga nung isa kong kaibigang adik.. Ang PRIDE ang dapat na kumakain sa yo.. Hindi mo dapat kinakain ang pride mo. Kamusta naman? Hindi rin dapat ako nakikinig sa payo ng adik di ba?

Pero eto yun.. ginawa ko dahil ayokong may isipin syang masama sa kin. Pwedeng gusto ko pa rin sya makasama. Hindi ko naman ipagkakaila yun. Yun nga lang, I don't want to go through the same shit again and I know this time if ever I will be in the same scenario like before.. I know that I know better. Sa kanya o hindi man sa kanya. Ang pangako ay pangako.. ganun ako. At kahit ano pang mangyari.. tutuparin ko.. kahit magmukha akong tanga.. dahil sa totoo lang.. alam ko sa tuwing naninindigan ako..

I AM A BETTER PERSON. Better than most of them.

.seryosong usapan 101.

May isang lalaking mapangahas ang isang beses na nagsabi sa kin isang gabi habang nakatayo ako sa isang banda at nagyoyosi.. "Hey, you'll be the perfect chick if you just stop smoking.. " Tiningnan ko sya saglit at pinilit ngumiti sabay hirit ng.. "Dude, thats the wrongest way to hit on a chick." sabay talikod. Gusto ko pa sana ihirit ang paborito kong punchline.. "Is this your idea of small talk?" pero naisip ko na sobrang gasgas na ang linyang ito at baka may nagsabi na sa kanya na madalas ko nang ginagamit ang pambarang hirit na yon at makaisip pa sya ng nalupit na comeback. Ang point ko lang.. saan ka naman kukuha ng lakas ng loob para kumprontahin ang isang tao sabay sasabihan mo ng ganun? Sa iba siguro..cute ang ganung idea.. pero sa mga taong tulad ko.. nakakaburat yun. O baka wrong timing lang sya.. ewan ko. Nag iisip kasi ako nun at nalulungkot dahil isa isa nang nag aasawa yung mga close friends ko. Hindi ko na sila makausap ng USAPANG SIRAULO.. lahat sila seryoso na.. mga seryosong plano sa buhay ng isang taong nagpapamilya. Tama ang sinabi sa kin ng konsensya o siguro yung imaginary friend kong si ESTOY na wag muna akong magche check ng friendster account dahil siguradong malulungkot lang ako. Eh ang siste.. dahil bored ako kahapon.. nag check pa rin ako. Nakita ko tuloy yung bestfriend ko na bagong kasal. Masaya naman ako dahil masaya sya dun sa mga pictures nya.. halatang in love. Pero natakot rin dahil hindi ko hawak ang emosyon nya o nung pinakasalan nya.. sa bandang huli kung magkakasakitan silang dalawa.. hindi ko sya kayang protektahan. Drama noh? Pero sa totoo lang nape pressure kasi ako pag may umiiyak sa harapan ko.. hindi ko alam kung anong gagawin ko. Hindi ko masabi kung ano yung nasa isip ko.. dahil alam kong makakasakit ang mga bagay na totoo... at dahil ganun ako palagi.. hindi ko kayang balewalain ang mga bagay na totoo. Masakit man isipin pero may mga bagay talagang hindi natin kayang kontrolin. Mga desisyon na nakabase lahat sa damdamin.. puro ganun lang.. walang malupit na pagmumuni muning naganap.. basta gusto mo lang.. bahala na.

Dati.. hindi ako naniniwala sa SECOND CHANCES. Pero naisip ko na maraming beses na akong nakaranas ng mga pangyayari na kailangan ko ng pangalawang pagkakataon pero hindi na maari.. at sa mga sandaling yun.. naisip ko kung gaano ako kalupit sa iba. Dun sa mga taong hindi ko binigyan ng second chance. Mahirap tanggapin na nagpatuloy ako ng hindi iniisip ang damdamin ng iba. Kung minsan naiisip ko rin kung ano nga talaga ang nangyari kung hindi ako naging madamot at binigyan sila ng isa pang pagkakataon. Hindi ko kasi kayang masaktan ng maraming beses. Tama na yung isa.. pag walang nangyari.. hindi talaga para sa kin. Ganito ako mag isip. Sa paraan na ito ko lang alam kung paano ko mapoprotektahan ang aking sarili.

Maraming beses sa tuwing makakakita ako ng bagong mamahalin.. madalas kong itanong sa kanila.. BAKIT MO AKO NAGUSTUHAN? May mga nagsabing dahil sa masaya akong kasama, dahil sa matatag ako kahit anong mangyari, dahil sa kaya kong harapin ang bawat sitwasyon na hindi hinahaluan ng emosyon, dahil sa maayos akong mangatwiran sa mga bagay na hindi nila kayang ipaliwanag.. dahil sa... Kung mamahalin mo ba ang isang tao.. kailangan ba talagang may rason? Kailangan ba kaya mong ipaliwanag ang nararamdaman mo na parang isang SCIENCE QUESTION na kailangan ay memorized mo ang bawat linya? Paano kung wala kang makitang rason? Mahal mo nga ba talaga ang taong yun? Masaya akong kasama dahil ayokong mawala ang atensyon sa kin ng isang tao.. isa itong bagay na kailangan kong gawin. Hindi ito natural. Kailangan kong maging masaya para sa yo.. kailangan kong maging matatag para may pagkukunan ng lakas ang mga taong nakapaligid sa kin.. kung magpapakita ako ng kahinaan.. masasabi mo pa rin ba na gusto mo yun? Kailangan kong ipakita na na marunong akong magdesisyon na gamit ang isip ko at hindi emosyon dahil para yun sa mga bagay na alam kong makakabuti sa yo.. tinanong mo ba ako kung nasasaktan ako? Ang mga bagay na minahal at nagustuhan mo sa kin..ang lahat lahat yun ay hindi ako. Kaya madalas lumalakad ako ng palayo.. kahit masakit.

Bawat tao kailangan nila ng taong magmamahal sa kanila. Yung mga taong nagmamahal ng walang dahilan. Yung mga taong kapag tinanong mo kung bakit nila mahal ang kasama nila..wala silang masagot kundi BASTA.

Sa mga taong iniwan ko dahil hindi nyo ako pinili.. hindi talaga yun ang dahilan. Umalis ako dahil hindi nyo alam ang salitang paninindigan.. kung ako ang pinili nyo.. mamahalin ko kayo ng buong buo.

Sa mga taong iniwan ko dahil wala tayong pinatunguhan.. hindi ako kayo lumayo dahil hindi ko kayang maghintay. Umalis ako dahil naniniwala ako na hindi pinag iisipan ang pagmamahal.

Sa mga taong minahal ako ng buong buo.. iniwan ko kayo dahil hindi ko kayang suklian ang pagmamahal nyo. Bagay na alam kong hindi patas kung magiging masaya kayo sa iba na mamahalin kayo katulad ng pagmamahal nyo sa kin.. isang bagay na hindi ko kayang gawin.

Sa mga taong minahal ko ngunit hindi ako kayang mahalin.. tumalikod ako dahil alam kong magiging masaya ako sa iba.

another year for the boiling kamote.

Salamat sa mga bumati sa kin! Sa mga nagpadala ng emails at bumati ng maligayang kaarawan! Sa mga kaibigan na biglang nagparamdam at nagkunwari na hindi nila naalala ang birthday ko pero matapos ang 3 pisong pagpapalitan ng kuro kuro ay bigla nilang naalala sabay hirit ng "Painum ka naman!" Mga skwater kayo! Wala kayong mahihita sa kin.. pero salamat na rin sa pagbati. Pag iisipan ko ang pagpapainum. Kay Drama King na kunwari ay may dinaan sa bahay namin pero hinintay lang talaga ang mag alas dose para maiabot ang regalo sa kin..SALAMAT! Hanggang ngayon ay hindi ko pa rin maisip kung bakit mahal na mahal mo ako.. eh malimit na lang nga akong maligo at mag toothbrush! Nyahahhaha. Pero salamat sa gift! Gustong gusto ko talaga. :) Pasensya na.. stolen shot yung picture sa kaliwa. Bagong gising lang kasi ako nyan. Shy pa. Hahahhahahhaha.


---
Isa lang ang birthday wish ko.. SANA IKASAL NA KO THIS YEAR!

joke lang....

Ang totoo sana ay maging isang sikat na photographer ako. Pero sympre hindi magkakatotoo ang lahat ng iyan kung wala akong camera. Kaya sana.. may mag regalo sa king ng SLR na camera.. ngayong bday ko. Kung sino ka man.. kahit pangit ka.. busarga ang ilong.. o mabaho ang hininga.. please.. gusto ko yung digital huh?

Isa pang bday wish.. SANA HINDI NA KO TUBUAN NG PIMPLES. Magaling na ang pimples ko pero ayoko nang magkaroon ulit. Hassle kasi.

Pangatlong bday wish.. sana tumaas na ang sweldo ng lahat ng TLs sa office ko! Eh gudlak.. kaya nga wish eh.

--
Masaya pa rin ako kahit single ako ngayong bday ko. Eto ang una kong bday sa loob ng mahabang panahon na wala akong boyfriend. Nakakapanibago.. pero sa totoo lang.. wag nating pag usapan ang lovelife ko dahil bday ko ngayon! Kumplikado akong tao. Pero salamat sa mga taong nagmamahal sa kin.. pamilya.. kaibigan.. pusa at aso. Sa mga fans ko.. ng blog, tange! Gudlak naman kung meron sa personal. Hahahahhahahha. Mag iwan naman kayo ng comment, mga HILAKBOT kayo! At sa mga ewoks sa paligid.. salamat sa inyo!

Single ako.

OO.. tama yung title.. single nga ako. Hoy, kapal nyo.. hindi ako panget no. Pango lang ang ilong ko. Meron akong theory kung bakit pango ang ilong ko.. siguro nung ginagawa ako ni God ay nag aalala siya kung anong hugis ba dapat ang ponkan. Eh ilong ko na yung hinuhulma nya nun.. bigla lang talaga pumasok sa isip nya yung ponkan.. tapos siguro.. habang ginagawa nya ko.. ginulat siya ni San Pedro tapos nadiinan nung dalawang daliri nya yung bilog na hugis at nadikit nya sa mukha ko. At ang sabi nya... "Hmmm.. good idea. Gagawa pa ko ng maraming ganitong korte ng ilong para maging miserable ang buhay nila at tatawagin nla ako araw araw..sila ang aking magiging mga entertainers sa mundong ibabaw.. magpapa alala sa kin araw araw na ako ang nakaisip ng korteng ponkan... oh, Peter.. ano nga yun?" tapos nakalimutan nya na kami ni Celso sa oven.. kaya ako naging pango.. at si Celso naman ay nasunog. Bwahahahhahah...Meron pang kasama si Celso sa oven pero dahil sa mabait ako.. ay hindi ko sasabihin dahil baka ako pa ang maging dahilan sa pagbasag ng kanilang munting ilusyon na tisay at tisoy sila.. pag uusapan na naman ako sa office. Nyahahhaha.